Монтажа на Лустери, Светилки и LED Траки во Скопје

Што монтираме

• Лустери - од лесни до тешки, со сидро според таванот
• Плафоњерки и ѕидни светилки
• Спот расвета, вградена во гипс или на шина
• LED траки со алуминиумски профил и напојување
• Надворешна расвета за тераса, двор и фасада
• Сензори за движење и сумрак
• Паметна расвета и димери

Тежок лустер бара вистинско сидро

Најчестата грешка кај самостојна монтажа е закачување на обичен типл во гипс картон. Гипсот не носи тежина - лустер од неколку килограми со време го извлекува типлот заедно со парче од таванот. Кај потежок лустер се бара носечка плоча или сидро до конструкцијата, што го проверуваме пред да качиме што било.

Втората честа грешка е спојување без дозна и без изолација на спојот. Спојот над таван е местото што никој не го гледа и никој не го проверува - затоа таму работиме со дозна и правилна клема, не со изолир лента.

LED траки - каде најчесто се греши

LED траките изгледаат едноставно, но три работи ги убиваат предвреме: погрешно димензионирано напојување, монтажа без алуминиумски профил и предолга низа од едно напојување. Без профил трака залепена директно на плоча се прегрева и губи светлина за неколку месеци.

Затоа траките ги монтираме во профил, со напојување димензионирано со резерва, и со пресметана должина по сегмент. Ако сакате траката да се пали со прекинувач или преку телефон, тоа го предвидуваме однапред.

Доаѓаме и за една работа

Ако веќе сме кај вас за лустер, останатите ситни работи - штекер што не држи, прекинувач што искри, прегорен осигурач - ги завршуваме во истиот излез. Нема потреба од втор термин.

Оставете барање