Електрична инсталација за новоградба - прва и втора фаза

Прва фаза - грубата инсталација

Првата фаза се изведува пред малтерисување, кога ѕидовите се уште голи. Тука се одредува каде ќе биде секој штекер и секое светло во следните триесет години - потоа менувањето значи кршење.

• Обележување на позиции по договор со инвеститорот и со проектот
• Штемање на канали по вертикала и хоризонтала според стандардот, за секој подоцнежен мајстор да знае каде има кабел
• Поставување на разводни кутии и дозни
• Полагање на кабли за струјни кругови, светло, климатизација и силни трошила
• Одвоени кругови за шпорет, бојлер, машина за перење и клима - секој со свој пресек
• Подготовка на местото за разводната табла
• Заземјување и поврзување на металните инсталации

Пресекот на кабелот не е место за заштеда. За осветлување стандардот е 1,5 mm², за приклучници 2,5 mm², а за силни трошила се пресметува според моќноста и должината на водот. Потенок кабел значи загревање, паѓање на напон и покус век.

Втора фаза - фината инсталација

Втората фаза доаѓа по малтерисување и по молерај, кога просторот е готов за завршна обработка:

• Монтажа на штекери, прекинувачи, серии и маски
• Поврзување и опремување на разводната табла со автоматски осигурачи и ФИД заштита
• Монтажа на светлечки тела и лустери
• Поврзување на бојлер, шпорет, клима и вентилација
• Мерење, испитување и пуштање под напон

Што се проверува пред пуштање

Инсталација што „работи“ не значи инсталација што е исправна. Пред предавање се мери отпорот на изолацијата, се проверува заземјувањето и се тестира ФИД заштитата со уред, не со притискање на копчето за тест.

За тоа добивате документација - тоа е она што ви треба и при технички прием и при продажба на објектот. Инсталација без документација е проблем што се појавува подоцна, кога веќе не се сеќавате кој ја изведувал.

Најчестите грешки кај новоградба

• Премалку штекери - најевтината измена е онаа што се прави додека ѕидот е отворен
• Заборавен извод за клима, па подоцна кабел по ѕидот низ дневната соба
• Сите светла на еден круг - прегорува еден осигурач и останува цела куќа во темно
• Табла димензионирана точно, без ниту едно слободно место за проширување
• Нема одвоен круг за кујна, каде истовремено работат шпорет, микробранова и садомијалка
• Изведба без документација, што се сеќава дури при продажба

Работиме и со изведувачи

Ако градите со фирма, се вклопуваме во нивниот распоред и координираме со водовод и со ѕидарски работи, за да не се чека еден на друг. Ако градите сами, ви кажуваме однапред во кој момент треба да сме на објект, за да не застане градбата поради нас.

Оставете барање