Паметен дом - што вреди, а што не

Што најчесто се вградува

• Осветлување - сценарија, димување, автоматско палење по движење или по зајдисонце
• Ролетни и завеси - по време, по сонце или сите одеднаш при излегување
• Термостат по простории, со распоред за работните денови
• Паметна брава и контрола на портата
• Сензори за движење, чад, истекување на вода
• Сценарија - едно копче што гаси сè при излегување

Жичано или безжично

Ако градите или реновирате, жичаното решение е поевтино и посигурно - каблите се полагаат кога ѕидовите се отворени и системот не зависи од WiFi. Ако инсталацијата е готова, безжичните уреди се разумниот избор: се вградуваат зад постоечките прекинувачи, без кршење.

Најголемата заштеда е во моментот на одлучување. Еден кабел повеќе при новоградба чини занемарливо; истиот кабел по две години чини штемање, малтер и молерај.

Правило што го применуваме

Секоја паметна инсталација што ја правиме мора да работи и рачно. Светлото се пали со прекинувач, ролетната се спушта со копче, вратата се отвора со клуч. Апликацијата е удобност врз тоа, не единствен начин. Систем каде паднат интернет значи темна куќа не е паметен, туку кревок.

Што обично не вреди

• Паметни сијалици во секоја фасунга наместо еден паметен прекинувач по круг - поскапо и потешко за одржување
• Уреди од пет различни производители што не се разбираат меѓу себе
• Автоматизација на нешто што и онака се прави еднаш дневно со рака
• Систем врзан за една апликација што престанува да работи ако производителот исклучи сервер

Оставете барање